Скотт Мактоминей юрак билан боғлиқ операция қилинади

Италиянинг “Наполи” клуби шотландиялик ярим ҳимоячиси Скотт Мактоминей юрак муаммоси сабаб бир ойга яқин вақт майдонга тушмайди. Бу ҳақда клуб матбуот хизмати хабар берди.

Манбага кўра, футболчида енгил даражадаги яхши сифатли аритмия аниқланган. Мактоминей яқин кунларда юрак аритмиясини бартараф этишга қаратилган кичик жарроҳлик амалиётини ўтказади. У жорий йилнинг сентябрь-октябрь ойларидаги халқаро танаффусдан кейин “Наполи” ихтиёрига қайтиши кутилмоқда.

Маълумот учун, 29 ёшли Мактоминей 2024 йилдан буён “Наполи” шарафини ҳимоя қилиб келмоқда. У жамоа сафида 82 та учрашувда майдонга тушиб, 27 та гол урган. Шотландиялик футболчи “Наполи” билан Италия чемпионлиги ва Италия Суперкубогини қўлга киритган.

Мактоминей 2017–2024 йилларда “Манчестер Юнайтед”да ўйнаган ва клуб билан Англия Кубоги ҳамда Лига Кубогида бир мартадан ғолиб чиққан. У Шотландия терма жамоаси сафида ҳам мунтазам иштирок этиб келади.