Си Ким билан алоқани мустаҳкамламоқчи

north_east

Ким Чен Ин ва Си Цзиньпин муҳим масалада келишиб олди (видео)

Хитой Халқ Республикаси Раиси Си Цзиньпин Шимолий Корея етакчиси Ким Чен Инга йўллаган телеграммасида икки мамлакат ўртасидаги муносабатларнинг узоқ муддатли ва барқарор ривожланишига ҳамкорликда кўмаклашишга тайёрлигини тасдиқлади. Бу ҳақда Корея марказий телеграф агентлиги (КМТА) хабар берди.

Қайд этилишича, телеграмма жорий йилнинг 1 июль куни Ким Чен Иннинг Хитой Коммунистик партияси ташкил топганлигининг 105 йиллиги муносабати билан йўллаган табригига жавобан юборилган. Си Цзиньпин томонлар аввал эришилган келишувларни амалга оширишни, икки томонлама ҳамкорликни мустаҳкамлашни ҳамда минтақада тинчлик, барқарорлик ва тараққиётни таъминлашга ҳисса қўшишни давом эттиришини билдирган.

ХХР Раиси, шунингдек, Ким Чен Инга табрик ҳамда яқинда КХДРга уюштирган давлат ташрифи давомида кўрсатилган самимий қабул учун миннатдорлик билдирган. У Хитой Коммунистик партияси ва Корея Меҳнат партияси ўртасидаги кўп йиллик ҳамкорлик ва дўстликни алоҳида қайд этган.

Эслатиб ўтамиз, аввалроқ Си Цзиньпин 2019 йилдан бери илк бор Шимолий Кореяга ташриф буюргани ва сўнгги етти йил ичидаги илк давлат ташрифи давомида Ким Чен Ин билан учрашгани ҳақида хабар берилган эди. Ушбу ташриф Хитой учун ягона ҳисобланган Дўстлик, ҳамкорлик ва ўзаро ёрдам тўғрисидаги мудофаа шартномаси тузилганлигининг 65 йиллигига бағишланган.