Шоҳсанамхон Тошпўлатова Паралимпиада бронза медалини қўлга киритди
Спорт
−
30 Август 2021 6580 1 дақиқа
Бугун, 30 август куни Токио Паралимпиадасининг аёллар ўртасида пара сузиш баҳсларида Шоҳсанамхон Тошпўлатова бронза медалига сазовор бўлди.
S13 классида 200 метр масофага индивидуал комплекс усулида сузиш йўналишида Шоҳсанамхон Тошпўлатова 2:27,92 дақиқа вақт билан 3-ўринни эгаллади ва бронза медали соҳиби бўлди. У, шунингдек, 100 метрга брасс усулида сузиш бўйича баҳсларда ҳам медаллар учун курашади.
Шу тариқа Ўзбекистон делегацияси ҳисобидаги медаллар сони 15 тага етди: 5 та олтин, 4 та кумуш ва 6 та бронза.
Эслатиб ўтамиз, аввалроқ, Тошпўлатова 400 метрга эркин усулда сузиш бўйича финалда иштирок этиб, 4-ўриндан жой олган эди.
Live
Барчаси
