Шавкат Мирзиёев 3 кунлик ташриф билан Қозоғистонга боради
Жамият
−
10 Октябрь 2022 7356
Жорий ҳафта ўртасида Ўзбекистон Президенти Шавкат Мирзиёев Қозоғистонга ташриф билан боради. Бу ҳақда Президент Матбуот котиби Шерзод Асадов брифингда маълум қилди.
Давлат раҳбари 11 октябрь куни Татаристон Президенти Рустам Минниханов билан учрашади.
12-14 октябрь кунлари давлат раҳбари Остона шаҳрида Осиёда ҳамкорлик ва ишонч чоралари бўйича кенгашининг навбатдаги Саммитида, МДҲ Давлат раҳбарлари кенгашининг навбатдаги мажлиси ҳамда “Марказий Осиё – Россия” Саммитида иштирок этади.
Шунингдек, Президент хорижий давлат ва ҳукумат раҳбарлари билан учрашувлар ўтказади. Жумладан, Вьетнам Социалистик Республикаси Вице-президенти Во Тхи Ань Суан, Покистон Ислом Республикаси Бош вазири Шаҳбоз Шариф ва бир қатор халқаро ташкилотлар раҳбарлари билан икки томонлама музокаралар ҳам кўзда тутилган.
Бундан ташқари, Президент мамлакат иқтисодий ва ижтимоий ривожига бағишланган қатор муҳокамалар ўтказади.
Ойша Турғунпўлатова
Live
Барчаси