“Саутгемптон” бош мураббийи жосусликда айбланиб ишдан ҳайдалди

Англия футбол ассоциацияси “Саутгемптон” бош мураббийи Тонда Экертни рақиб устидан жосуслик қилгани учун олти ҳафтага шартли равишда лавозимидан четлатишга қарор қилди. Бу ҳақда “Sky Sports” хабар берди.

Манбага кўра, мутахассисга қўшимчасига 28 минг фунт стерлинг миқдорида жарима ҳам солинган. Жорий йилнинг май ойида “Саутгемптон” Премьер-лига плей-офф финалидан четлатилиб, 2026-2027 йилги мавсум учун тўрт очкодан маҳрум қилинган эди. Бунга ярим финалда “Мидлсбро”га қарши баҳсдан сўнг (0:0, 1:2) рақиб клубнинг шикояти сабаб бўлган. “Мидлсбро” “Саутгемптон”ни жосуслик қилиш ва машғулот жараёнларини тасвирга олишда айблаган.

Жорий йилнинг июль ойида Экертга 2025 йил декабридан 2026 йил майигача рақиблар устидан жосуслик қилгани бўйича учта айблов қўйилган. Мураббий уларнинг барчасида айбини тан олди.

Маълумот учун, айни пайтда “Саутгемптон” Англия Чемпионшипида саккиз турдан сўнг 10 очко билан 13-ўринда бормоқда.