“Сантос” музейида Неймарнинг ҳайкали ўрнатилди
Спорт
−
16:04 573 1 дақиқа
Бразилиянинг “Сантос” клуби музейида жамоа тарбияланувчиси ва клуб афсонаси Неймарнинг ҳайкали очилди. Бу ҳақда клуб матбуот хизмати хабар берди.
Неймарнинг ҳайкалининг тантанали очилиш маросимида футболчининг ўзи ҳам иштирок этди.
Неймар 2025 йилда ўзининг илк профессионал клуби — “Сантос”га қайтган эди. Унинг клуб билан амалдаги шартномаси 2026 йил декабрь ойи охирига қадар мўлжалланган.
2026 йилги мавсумда ҳужумчи “Сантос” сафида 16 та учрашувда майдонга тушиб, 8 та гол урди.
Фаолияти давомида Неймар “Барселона”, “Пари Сен-Жермен” ва “Ал-Ҳилол” клублари шарафини ҳам ҳимоя қилган.
Неймар шунингдек, Бразилия миллий терма жамоаси тарихидаги энг яхши тўпурар ҳисобланади. У терма жамоа сафида 130 та ўйинда иштирок этиб, 80 та гол муаллифи бўлган.
Эслатиб ўтамиз, аввалроқ Жаҳон чемпионатидаги муваффақиятсизликдан сўнг Неймар терма жамоадаги фаолиятини якунлаганини маълум қилганди.
Live
Барчаси
