Самарқандда шамол кўп қаватли уй томини учириб кетди
Жамият
−
16 Январь 2022
6932Бугун, 16 январь куни Самарқанд шаҳрида кучли шамол оқибатида кўп қаватли уйлардан бирининг томи учиб кетди. Бу ҳақда вилоят ИИБ хабар қилди.
Маълум қилинишича, Самарқанд шаҳрида кучли шамол эсиши оқибатида соат 03:22 да “Гагарин” кўчасида жойлашган 36-уйнинг том қопламаси учиб тушган.
Содир бўлган ҳолат натижасида жабрланганлар йўқ.
Маълумот учун, вилоят Гидрометеорология хизматининг маълумотига кўра, 2022 йил 16 январь куни соат 03:17 ларда Самарқанд шаҳрида 15 м/с тезликда шамол эсган.
LiveБарчаси