Россияга бировнинг ери керакмас – Медведев
Олам
−
04 Март
14772Россияга ўзганинг ери керак эмас, аммо у ўзиникини бермайди. Бу ҳақда Россия Хавфсизлик кенгаши раиси ўринбосари Дмитрий Медведев Бутунжаҳон ёшлар фестивалидаги маърузасида айтиб ўтди.
Медведевга кўра, Украинанинг амалдаги расмийлари билан тинчлик музокараларини олиб боришнинг иложи йўқ. Россия коллектив Ғарбнинг русофоб сиёсатига, унинг давлатчиликни йўқ қилиш, мустақиллик ва мамлакат суверенитетига путур етказиш истагига жавоб беришга мажбур.
“Бир пайтлар Украинанинг собиқ раҳбарларидан бири Украина Россия эмас, деган эди. Бу тушунча абадий йўқолиши керак. Украина, шубҳасиз, Россиядир. Украина ва унинг аҳолисини ҳақли равишда умумрус цивилизациясининг бир қисми. Днепрнинг иккала қирғоғидаги ҳудудлар Россия стратегик ва тарихий чегараларининг бир қисмидир, шунинг учун уларни мажбуран ўзгартиришга, бўлиб ташлашга бўлган барча уринишлар барбод бўлади”, дея қўшимча қилган у.
Шунингдек, Медведев Россиянинг МДҲ давлатлари билан ҳудудий баҳслари йўқлигини тушунтирган.
“Яқин хориж” тушунчаси шунчаки сўз эмас, балки моҳиятнинг аксидир. Алоҳида айтмоқчиманки, унга аъзо давлатлар билан бизнинг ҳудудий баҳсларимиз йўқ”, деган Медведев.
Шунга қарамай, у Путиннинг Россия чегаралари “ҳеч қаерда тугамайди” деган иборасини ҳам эслаб, буни “жуда яхши сўзлар”, деб атаган.
Мадина Отабоева
LiveБарчаси