Россиядан хавфсираган қўшнилари чегарани кучайтирмоқда

Польша Россиянинг Калининград вилояти билан чегарасида электрон тўсиқ қуришни бошлади. Бу ҳақда мамлакат Ички ишлар вазири Мариуш Каминьски маълум қилди.

“Польша-Россия чегарасида электрон тўсиқ қурилиши бошланди. Иш шу йилнинг кузида якунланади. Биз Россия билан чегарада содир бўлаётган воқеаларни тўлиқ кузатиб борамиз”, дейди вазир.

Чегаранинг 199-километрида электрон тўсиқ, яъни камералар ва ҳаракат датчиклари тизими ўрнатилади. У Россия билан бутун қуруқлик чегарасини қамраб олади. Вистула бўлинмаси эса бундан мустасно, чунки у ер аллақачон бир неча йиллардан буён электрон қурилмалар билан қўриқлаб келинмоқда.

Хавфсизлик тўсиғи қисми ўн иккита функционал қисмга бўлинади. Унда 2 мингга яқин видеокузатув устунлари, 3 мингта видеокамера ва 700 километр узунликдаги қувват, узатиш ва сигнал кабеллари ўрнатилади.

Каминскийнинг айтишича, Россия билан чегарадаги тўсиқ худди Беларусь билан чегарадаги каби ақл бовар қилмайдиган даражада замонавий бўлади.

“Ишончим комилки, бизнинг шарқий чегарамиз ва шарқий қўшниларимиз инқирозли вазиятлар билан боғлиқ бўлган ҳар қандай ноқонуний ҳаракатларга мукаммал даражада тайёр бўлади. Аминманки, бу Европа Иттифоқидаги энг яхши ҳимояланган чегара бўлади”, деган Мариуш Камински.

Электрон тўсиқни қуриш учун 373 миллион злотийдан ортиқ (83 миллион доллардан ортиқ), жумладан, чегаранинг айрим участкаларида рельефни мустаҳкамлаш учун 42 миллион злотий (9 миллион доллардан ортиқ) маблағ ажратилган.

Чегара хизмати матбуот котиби лейтенант Анна Михальска эса Безледий ва Семпополдаги чегара постлари ҳудудида қурилиш ишлари бошланганини маълум қилган. Йўлнинг чегара чизиғидаги биринчи ишлар кузатув камералари учун устунлар пойдеворини қўйиш, электр ва узатиш кабелларини ётқизишдан иборат экани айтилган.

Эслатиб ўтамиз, олдинроқ Финляндия Россия билан чегарасидаги деворнинг 75 километрлик қисмини қуришни бошлади.