Россияда зўрлашда гумонланган ўзбекистонлик қўлга олинди

Россияда ўзбекистонлик эркак аёл кишини зўрлашда гумонланиб, қўлга олинди. Бу ҳақда ҳуқуқни муҳофаза қилувчи органларга таяниб, “Московский Комсомолец” хабар берди.

Қайд этилишича, кеча, 29 майга ўтар кечаси Санкт-Петербург шаҳрида маҳаллий аҳоли вакилларидан бири полицияга мурожаат қилиб, уйидан ташқаридаги ҳовлида зўрлик ҳаракатларини кўрганини хабар қилган. Аниқланишича, ҳодиса оқибатида бир аёл зўрланган. Жабрланувчи кейинчалик шифохонага мурожаат қилган ва шифокорларга бўлган воқеани баён этган. У шифохонадан қониқарли ҳолатда чиқарилган.

Мазкур жиноят бўйича гумонланувчи сифатида Ўзбекистон фуқароси қўлга олинган. Маълум бўлишича, у на ишлайди, на Россияда рўйхатдан ўтган. Ҳозирда унга нисбатан Россия Жиноят кодексининг 131-моддаси (зўрлаш) бўйича жиноий иш қўзғатилган.

Эслатиб ўтамиз, аввалроқ Жанубий Кореяда 2 нафар бошланғич синф ўқувчисини алдаб, ўз машинага ўтқазиб, жинсий тажовуз қилгани айтилган Ўзбекистон фуқароси ҳибсга олинганди.