Россияда вертолёт қулаши оқибатида 4 киши ҳалок бўлди (видео)
Олам
−
27 Июль 2023 6488 1 дақиқа
Россиянинг Олтой Республикаси ҳудудида бортида йўловчилари бўлган Ми-8 вертолёти қулаши оқибатида 4 киши ҳалок бўлди. Бу ҳақда Россия Фавқулодда вазиятлар вазирлиги хабар берди.
Қайд этилишича, республиканинг Усть-Коксин тумани Тюнгур қишлоғида қўнишга уринаётган вертолёт электр симларига урилиб, қулаб тушган ва ёниб кетган.
Ҳалокатга учраган вертолёт бортида 13 нафар сайёҳ (12 нафари Россия ва бир нафари Беларусь фуқароси) ва уч экипаж аъзоси бўлган. Федерал ҳаво транспорти агентлигида аниқлик киритилишича, парвоз экскурсия гуруҳини ташиш учун амалга оширилган. Дастлаб, йўловчилардан 6 нафари ҳалок бўлгани ва яна етти киши жароҳатлангани айтилди. Бироқ кейинчалик қурбонлар сони 4 кишилиги маълум бўлди. Шунингдек, тўққиз киши жароҳат олиб, шифохонага ётқизилгани айтилди.
Live
Барчаси
