Россия Украинага камикадзе дронлари билан ҳужум қилди, уларнинг аксарияти Киевга тушди
Олам
−
10 Сентябрь 2023 8568
Бугун тунда Россия ҳарбийлари Украинага 32 та Shahed-136/131 камикадзе дронлари билан ҳужум қилди, улардан 25 таси Украина ҳаво мудофааси томонидан йўқ қилинди. Бу ҳақда мамлакат Қуролли кучлари Бош штаби матбуот котиби Павел Ковальчук хабар берди.
Унинг сўзларига кўра, Россия зарбаларининг аксарияти Киевга қаратилган. Киев полиция бошқармаси бошлиғи Руслан Кравченко зарбалар оқибатида ҳалок бўлганлар йўқлигини билдирган.
Охирги 24 соат ичида жами 30 дан ортиқ ҳарбий тўқнашувлар содир бўлган. Россия 2 та ракета ва 40 та ҳаво зарбаларини амалга оширган.
Шунингдек, Украинадаги ҳарбий ва фуқаролик объектлари позицияларига бир нечта ракета тизимларидан 38 дан ортиқ ҳужум уюштирилган.
Live
Барчаси
