Россия Мудофаа вазирининг собиқ ўринбосари ҳибсга олинди

Россия Мудофаа вазирининг собиқ ўринбосари Павел Попов фирибгарликда гумон қилиниб, ҳибсга олинди. Бу ҳақда ТАCC хабар берди.

Қайд этилишича, жиноят иши Patriot паркининг фаолияти билан боғлиқ.                                      

Россия Федерацияси тергов қўмитаси вакили Светлана Петренконинг таъкидлашича, 2021-2024 йилларда Попов "Патриот" паркини ривожлантириш, техник хизмат кўрсатиш ва ишлаш учун масъул бўлиб, Парк директори Вячеслав Аҳмедов ва Россия Мудофаа вазирлигининг инновацион ривожланиш бош бошқармаси бошлиғининг ўринбосари Владимир Шестеров билан биргаликда иш олиб борган. 

“Попов қурилиш ва таъмирлаш ишларини, шунингдек, "Патриот" боғи ҳисобидан Москва вилоятининг Красногор туманидаги шаҳар атрофидаги участкага турли хил моддий бойликларни етказиб берган. Бундан ташқари, у ўз шериклари орқали “Патриот” боғи билан шартномавий муносабатларга эга бўлган тижорат ташкилотлари раҳбарларини ўз уйларида қурилиш-монтаж ишларини бажаришга мажбур қилган. Уй қуриб, участкани ободонлаштиргандан сўнг, Попов парк ҳисобидан уч гектар майдонга эга бўлган участкасига техник ва хўжалик техник хизмат кўрсатишни давом эттирган”, дея қўшимча қилди Петренко.

Маълумот учун, Павел Попов 2008 йилдан 2013 йилгача Россия ФВВ бошлиғининг ўринбосари лавозимида ишлаган. 2013 йилда Мудофаа вазирлигига ишга ўтди ва Сергей Шойгунинг ёрдамчиси бўлди. 2013 йил 7 ноябрдан бошлаб Мудофаа вазирининг ўринбосари лавозимини эгаллаган.

Эслатиб ўтамиз, олдинроқ Россия Мудофаа вазирининг логистика масалалари бўйича собиқ ўринбосари Дмитрий Булгаков коррупцияда айбланиб, қўлга олинганди.

Зебо Туробжонова