Роналду 508 минг долларга сотиб олган машинасини кўрсатди
Спорт
−
19 Январь 16765
“Ал-Наср” клубининг португалиялик ҳужумчиси Криштиану Роналду янги люкс автомобили ёнида тушган суратини ижтимоий тармоқдаги саҳифасига жойлади.
Маълумотларга кўра, Роналду Ferrari Purosangue'нинг сўнгги версиясини сотиб олган. Машинанинг нархи 508 минг АҚШ долларини ташкил қилади.
Роналду шунингдек, Bugatti Chiron, Bugatti Veyron Grand, Ferrari Monza ва McLaren Senna автомобилларига эга.
Декабрь ойида Роналду онаси Долореш Авейруга туғилган куни учун немис автобрендининг Porsche Cayenne автомобилини совға қилган эди. Бундай машинанинг нархи, конфигурацияга қараб, 72 минг евродан 90 минг еврогача ўзгариб туради.
Роналду “Ал-Наср”да 2023 йилдан буён ўйнаб келмоқда. Футболчининг клуб билан шартномаси 2025 йилгача мўлжалланган. Унинг трансфер қиймати 15 миллион еврога баҳоланмоқда.
Live
Барчаси
