РФда сувости аппаратида ёнғин чиқди. 14 нафар денгизчи ҳалок бўлди
Олам
−
02 Июль 2019 3452
Кеча, 1 июль куни Россия Федерацияси ҳудудий сувларида сув тубидаги илмий-тадқиқот аппаратда ёнғин чиқиши оқибатида 14 нафар сув ости денгизчиси ҳалок бўлди. Бу ҳақда ТАСС хабар берди.
“1 июлда Россия ҳудудий сувларида Ҳарбий-денгиз флоти манфаатлари учун океан тубида табиат бўшлиғини ўрганишга мўлжалланган илмий-тадқиқот аппаратида ёнғин чиқиши оқибатида 14 нафар сувости денгизчиси заҳарланишдан қурбон бўлди”, дейилади хабарда.
Қайд этилишича, махсус жамоанинг ҳаракати билан ёнғин ўчоғи сўндирилган.
Ҳозирда чуқур сувости аппарати Североморскдаги ҳарбий-денгиз базасида бўлиб турибди. Ёнғиннинг келиб чиқиш сабаби ўрганиляпти.
Live
Барчаси
