“Реал” охирги беш мавсумдаги антирекордини такрорлади

Мадриднинг “Реал” клуби Ла Лиганинг 19-туридан ўрин олган “Атлетик Бильбао”га имкониятни бой берди. Учрашув 2:1 ҳисобида Бильбао жамоасининг ғалабаси билан якунланди. 

Шу тариқа, “қаймоқранглилар” 2024/2025 йилги мавсумдаги бешинчи ўйинида мағлуб бўлди.

Шундай қилиб, “қироллик клуби” Карло Анчелотти қўл остида мавсумнинг биринчи ярмидаги мағлубиятлар сони бўйича сўнгги беш мавсумдаги клуб антирекордини такрорлади. Бунгача жамоа 2020/2021 йилги мавсумда мавсумнинг биринчи ярмида бешта мағлубият қайд этганди.

Жорий мавсум “қаймоқранглилар” “Атлетик”гача “Ливерпуль” (0:2), “Милан” (1:3), “Барселона” (0:4) ва “Лилль” (0:1)га мағлуб бўлди.

Мадриднинг “Реал” клуби айни дамда 33 очко билан Испания чемпионати турнир жадвалида 2-ўринда бормоқда. Биринчи ўриндаги “Барселона” билан тафовут 4 очкони ташкил этади, лекин “қироллик клуби” ҳисобида 1 та қолдирилган ўйин мавжуд.