“Реал” Мбаппенинг трансфери бўйича ҳаракатини бошлади
Спорт
−
26 Декабрь 2023
3454“Реал” келаси ҳафтада ПСЖ ҳужумчиси Килиан Мбаппе билан эҳтимолий трансфер борасида боғланиши кутилмоқда. Бу ҳақда футбол журналисти Рамон Альварес де Мона ўз X саҳифасида маълум қилди.
Манбага кўра, испан клуби аллақачон керакли ҳужжатларни тайёрлашга киришган. “Реал Мадрид” президенти Флорентино Перес ҳам ҳужумчи билан гаплашмоқчи.
Мбаппенинг парижликлар билан амалдаги шартномаси 2024 йилнинг ёзида якунига етади. Шартнома тугашига олти ой қолганда томонлар музокара олиб бориши мумкин.
Қайд этилишича, келаси ҳафта футболчининг Мадрид клубига ўтиши масаласида ҳал қилувчи палла бўлади.
Маълумот учун, трансфермаркт 180 миллион еврога баҳолаётган 25 ёшли футболчи жорий мавсум ПСЖ сафида 22 та ўйинда майдонга тушиб, 21 та гол урди ва 3 та голли узатмани амалга оширди.