“Реал Мадрид” президенти бўлишни хоҳлардим – Рафаэль Надаль

Тарихдаги энг яхши теннисчилардан бири Рафаэль Надаль футболгадаги севимли клуби “Реал Мадрид”га бўлган муҳаббатини яна бир бор кўрсатди. Афсонавий испаниялик спортчи бир кун келиб “Сантьяго Бернабео”нинг президентлик креслосида ўтириш фикрида эканлигини айтди. Бу ҳақда “Mundo deportivo” нашри хабар берди.

“Бир кун келиб “Реал Мадрид” президенти бўлишни хоҳлардим, лекин клубда ҳозирда энг яхши президент бор ва клубга янги президент керак эмас. Аммо келажакни олдиндан айтиб бўлмайди. Бу ёқимли, мотивацион ва ҳаяжонли чақирув бўлади. Энг муҳими, бунга тайёр эканлигимга ишонч ҳосил қилишим керак”, дейди Надаль “Movistar+” телеканалидаги “Universo Valdano” шоусида.

Гарчи Надаль ёрқин теннис карьерасини 2024 йилда якунлаган бўлса-да, Надаль жамоат ҳаётида фаол бўлиб, “Реал”ни бошқариш катта қийинчилик, лекин шараф эканлигини тан олади.

“Мен буни хоҳлайманми? Бу мумкин. Бу мен қачондир президентликка номзодимни қўяман дегани? Билмайман. Ҳозир бу узоқ ва қийин кўринади, лекин ҳаёт нима олиб келишини ҳеч қачон билмаймиз”, дея қўшимча қилди Надаль.

Маълумот учун, 39 ёшли Рафаэль Надаль спортдаги афсонавий карерасида 92 чемпионлик ва 22 “Катта дубулға” ғолиблигини қўлга киритган.