“Real Madrid” prezidenti bo‘lishni xohlardim – Rafael Nadal

Tarixdagi eng yaxshi tennischilardan biri Rafael Nadal futbolgadagi sevimli klubi “Real Madrid”ga bo‘lgan muhabbatini yana bir bor ko‘rsatdi. Afsonaviy ispaniyalik sportchi bir kun kelib “Santyago Bernabeo”ning prezidentlik kreslosida o‘tirish fikrida ekanligini aytdi. Bu haqda “Mundo deportivo” nashri xabar berdi.

“Bir kun kelib “Real Madrid” prezidenti bo‘lishni xohlardim, lekin klubda hozirda eng yaxshi prezident bor va klubga yangi prezident kerak emas. Ammo kelajakni oldindan aytib bo‘lmaydi. Bu yoqimli, motivatsion va hayajonli chaqiruv bo‘ladi. Eng muhimi, bunga tayyor ekanligimga ishonch hosil qilishim kerak”, deydi Nadal “Movistar+” telekanalidagi “Universo Valdano” shousida.

Garchi Nadal yorqin tennis karerasini 2024 yilda yakunlagan bo‘lsa-da, Nadal jamoat hayotida faol bo‘lib, “Real”ni boshqarish katta qiyinchilik, lekin sharaf ekanligini tan oladi.

“Men buni xohlaymanmi? Bu mumkin. Bu men qachondir prezidentlikka nomzodimni qo‘yaman degani? Bilmayman. Hozir bu uzoq va qiyin ko‘rinadi, lekin hayot nima olib kelishini hech qachon bilmaymiz”, deya qo‘shimcha qildi Nadal.

Ma’lumot uchun, 39 yoshli Rafael Nadal sportdagi afsonaviy karerasida 92 chempionlik va 22 “Katta dubulg‘a” g‘olibligini qo‘lga kiritgan.