“Реал” аъзоси Ла Лиганинг энг яхши футболчиси бўлди
Спорт
−
22 Ноябрь 923
Испания футболчилар ассоциацияси “Реал Мадрид” юлдузи Жуд Беллингемни расман Ла Лиганинг 2023/24 йилги мавсумдаги энг яхши футболчиси, деб топди.
Ўтган мавсумда Ла Лиганинг 28 ўйинида Беллингем 19 гол ва 6 голли узатмага муаллифлик қилди. У “Реал Мадрид”нинг ўтган мавсумдаги энг яхши тўпурари ва Ла Лигадаги 3-тўпурар бўлди, бироқ, жорий мавсум Беллингем учун унчалик яхши ўтаётгани йўқ. Англиялик ярим ҳимоячи Ла Лиганинг 8 та ўйинида атиги 1 та гол урди ва 2 та голли узатмани амалга оширди.
Маълумот учун, 21 ёшли Беллингем 2023 йилнинг ёзидан буён “қироллик клуби” сафида тўп тепмоқда. У “Реал” сафида Европа Чемпионлар лигаси, Ла Лига ва UEFA Суперкубогида ғолиб бўлди. Унинг Мадрид суперклуби билан шартномаси 2029 йилга қадар мўлжалланган. “Transfermarkt”га кўра, футболчининг қиймати 180 миллион еврони ташкил этади.
