“Реал” 9 йиллик муваффақиятсизлигига барҳам берди

Спорт

−

06 Апрель 2023 visibility7777 timer1 дақиқа

Мадриднинг “Реал” клуби сўнгги 9 йил ичида илк бор Испания кубоги финалига чиқди. 6 апрельга ўтар куни кубок 1/2 финалининг жавоб ўйинида Карло Анчелотти жамоаси “Барселона”ни йирик 4:0 ҳисобида мағлуб этди ва умумий ҳисобда турнирнинг ҳал қилувчи ўйинига йўл олди (Мадриддаги биринчи ўйин Қироллик клуби мағлубияти билан якунланганди - 0:1).

“Spotify Camp Nou”даги баҳсда мезбонлар дарвозасига голларни Винисиус Жуниор ва Карим Бензема киритди. Франциялик футболчи хет-трик қайд этди.

9 йил аввал, 2013/2014 йилги мавсумда “қаймоқранглилар” ярим финалда “Атлетико”ни, финалда эса “Барселона”ни 2:1 ҳисобида мағлуб этиб, кубокни қўлга киритганди.

6 май куни бўлиб ўтадиган жорий мавсум кубок финалида “Реал” “Осасуна” билан ўйнайди.

Мақола муаллифи