Рамзан Қодиров Нурсултон Рўзибоевга автомобиль совға қилди

Ўзбекистонлик таниқли MMA жангчиси Нурсултон Рўзибоевга Чеченистон раҳбари Рамзан Қодировга тегишли клуб томонидан “Roewe M7 DMH” русумидаги янги автомобиль топширилди. Бу ҳақда спортчининг ўзи Instagram саҳифасида маълум қилди.

Чеченистон раҳбари Рамзан Қодировга тегишли “Ахмат” жанговар клуби сафида фаолият юритувчи Рўзибоев UFC’даги навбатдаги ғалабасидан кейин қимматбаҳо совға билан тақдирланди.

“Ютсанг ундай қиламан, бундай қиламан деб ваъда берадиганлар кўп. Лекин жанг натижасидан қатъи назар, совға берадиганлар ҳам бор”, деб ёзди Рўзибоев.

Маълумот учун, Нурсултон Рўзибоев жорий йилнинг 27 июнь куни Озарбайжон пойтахти Боку шаҳрида ўтказилган UFC 280 турнирида россиялик Андрей Пуляевга қарши октагонга кўтарилган эди. Ўрта вазн тоифасида кечган жангда ўзбекистонлик спортчи рақибини биринчи раунднинг ўзидаёқ бўғиш усули билан мағлуб этиб, UFC’даги яна бир ишончли ғалабасини қайд этди.

Рўзибоев 2015 йилдан буён “Ахмат” жанговар клуби шарафини ҳимоя қилиб келади. Унинг UFC’даги муваффақиятли иштирокидан сўнг клуб раҳбарияти спортчини муносиб рағбатлантириб, унга янги автомобиль совға қилди.