Путиннинг хавфсизлиги қай даражада? Унга суиқасд қилиниши мумкинми?
Олам
−
10 Октябрь 2022 31845
Қримдаги кўприкнинг портлатилиши, Россия армиясидаги йўқотишлар ва Москванинг ядровий таҳдиди мамлакат Президенти Владимир Путиннинг хавфсизлиги борасида қатор саволларни келтириб чиқармоқда. Ушбу масалада Кремль матбуот котиби Дмитрий Песков ҳам илк бор сўз очди.
Россия Президенти Владимир Путиннинг хавфсизлиги барча мавжуд таҳдидларни ҳисобга олган ҳолда тегишли даражада таъминланган. Бу ҳақда Песков бугун, 10 октябрь куни журналистларга маълум қилди.
“Президент хавфсизлиги барча мавжуд таҳдидларни инобатга олган ҳолда тегишли даражада таъминланган”, дейди у АҚШнинг 45-президентининг миллий хавфсизлик бўйича собиқ маслаҳатчиси Жон Болтоннинг “агар Россия Федерацияси ядро қуролидан фойдаланса, Путин ўз хавфсизлигига таҳдид солади”, деган сўзларини изоҳлаб.
Эслатиб ўтамиз, Болтон "CBS News" телеканалига берган интервьюсида "Агар Путин ядровий қуролдан фойдаланишга рухсат берса, у ўз жонига қасд қилиш тўғрисидаги хатига имзо чекади", деб айтган эди.
