Путин Трампнинг одамини узоқ куттирган – ОАВ

АҚШ Президентининг махсус вакили Стив Уиткофф 13 март куни Россия етакчиси Владимир Путиннинг беларуслик Александр Лукашенко билан музокаралари якунланишини саккиз соат кутди. Бу ҳақда “Sky News” хабар берди.

Қайд этилишича, Уиткофф Россия раҳбарини саккиз соат давомида кутишга мажбур бўлган. Шундан сўнг, махсус вакил Путин билан учрашишга муваффақ бўлган.

“Охир-оқибат у (Владимир Путин) Уиткоффга қоронғи тушганда ва ҳамма нарса ёпиқ эшиклар ортида ўтиб кетганида шахсий вақтини ажратди”, дейилади хабарда.

“Sky News” Уиткоффнинг Путин билан учрашишни бунча кўп кутишга мажбур бўлганини Россия томонидан “классик куч ўйини” деб атаган.

Путиннинг куттириш тактикаси

Путин мунтазам равишда жаҳон раҳбарларини уни кутишга мажбур қилган, бу собиқ КГБ ходимининг психологик тактикаси сифатида талқин қилинади. Путин Германиянинг собиқ канцлери Ангела Меркель ва Украинанинг собиқ президенти Виктор Янукович (тахминан тўрт соат куттирган) билан боғлиқ кейслар буни тасдиқлайди.

Япония, Мўғулистон ва Исроил раҳбарлари эса Путинни уч соатгача кутишга мажбур бўлишган. 2003 йилда Путин Буюк Британия қироличаси Елизавета II ни деярли 15 дақиқа куттириб қўйган, бу ҳурматли монарх учун камдан кам учрайдиган ҳурматсизлик эди.

2012 йилда АҚШнинг ўша пайтдаги президенти Барак Обама Путиннинг кечикиши туфайли учрашувдан кейинги режаларини 40 дақиқага кечиктиришга мажбур бўлган.

Таҳлилчиларнинг фикрича, Путин бу ҳаракати билан ҳамкорларини довдиратиб қўйишни ва музокараларда устунликка эришишни мақсад қилади. Бу усул асосан Москванинг назаридан қолган раҳбарларга нисбатан қўлланган.