Путин сулҳнинг ўзига тегишли қисмини бажаради – Трамп

АҚШ Президенти Дональд Трамп Россия Президенти Владимир Путин Украинада ўт очишни тўхтатиш бўйича “келишувнинг ўзига тегишли қисмини” бажаришига ишонади. Бу ҳақда у кеча, 31 март куни Оқ уйда журналистлар билан суҳбат чоғида маълум қилди.

“У ишни охирини кўришига ишонч ҳосил қилмоқчиман. Ўйлайманки, у менга айтганини қилади ва энди келишувнинг ўзига тегишли қисмини бажаради деб ўйлайман”, деди Трамп.

Шу билан бирга, Трамп керак бўлса, Россияга нисбатан иқтисодий босимни кучайтиришга тайёр эканини таъкидлади: 

“Мен унинг (Владимир Путиннинг) нефтига иккинчи даражали божлар жорий қилишни хоҳламайман. Аммо агар уни бу ишга мос келмайди деб ўйласам, шундай қилган бўлардим”, дейди АҚШ етакчиси.

Бундан ташқари, Америка етакчиси Киев билан фойдали қазилмаларни қазиб олиш бўйича келишувга изоҳ бериб, Украина Президенти Владимир Зеленскийни бир кун аввал бузишга уринганликда айблади.

“Мен улар билан (Украина) ҳали гаплашганим йўқ, лекин сиз (журналистлар) орқали улар ҳозир нима дейишаётганини эшитдим: Хўш, агар биз НАТОга ёки бирор нарсага кирсак, бу келишувни қабул қиламан. Биринчидан, бу ҳеч қачон муҳокама қилинмаган. Путиндан анча олдин улар (Россия) НАТОга қўшилмайсизлар деган”, деди у.

Эслатиб ўтамиз, 30 март куни Трамп Путинга Россия нефтига иккиламчи тарифлар, Зеленскийга эса катта муаммолар билан таҳдид қилганди.