Путин 9 майда Украинага расман уруш эълон қилиши мумкин — CNN

Россия Президенти Владимир Путин 9 майдаёқ Украинага расман уруш эълон қилиши мумкин. Бу ҳақда CNN америкалик ва ғарблик амалдорларга таяниб ёзмоқда.

Путин 9 майдаёқ Украинага расман уруш эълон қилиши мумкин, бу эса Россиянинг захира кучларини Украина шарқи ва жанубини босиб олишга уринишлари чоғида тўлиқ сафарбар қилиш имкониятини беради, деган АҚШ ва Ғарб расмийлари.

Ғарб расмийлари узоқ вақтдан бери Путин куннинг рамзий маъноси ва тарғибот қийматидан Украинадаги ҳарбий ютуқ ҳамда ҳарбий ҳаракатлар кескин авж олгани ёки ҳар иккаласини эълон қилиш учун фойдаланаётганига ишонишади”, дейилади хабарда.

Расмийлар битта сценарийни муҳокама қила бошладилар, яъни Путин 9 май куни Украинага расман уруш эълон қилади. Ҳозирда Россия расмийлари можаро шунчаки “денацификация” мақсадида амалга оширилган “махсус ҳарбий операция” эканини таъкидламоқда.

“Ўйлайманки, у “махсус операцияси”дан чиқиб кетишга ҳаракат қилади ", деган ўтган ҳафта Британия Мудофаа вазири Бен Уоллес “LBC Radio”га.

Оммавий ахборот воситаларига кўра, 9 май куни расмий уруш эълон қилиниши Россия фуқароларини кучайтириши ва босқиннинг машҳурлигини ошириши мумкин. Бу, шунингдек, Россия қонунчилигига кўра, Путинга захира кучларини сафарбар қилиш ва расмийларнинг фикрича, ишчи кучи танқислиги шароитида Россия жуда муҳтож бўлган ҳарбий хизматга чақирилувчиларни чақириш имконини беради.

9 май учун режалаштирилган бошқа вариантлар орасида ишғол қилинган Луганск ва Донецк ҳудудларини аннекция қилиш, жанубда Одессага ҳужумни кучайтириш ёки Мариуполь устидан тўлиқ назоратни эълон қилиш киради.

АҚШ Давлат департаменти матбуот котиби Нед Прайснинг айтишича, “руслар 9 майдан ташвиқот мақсадида фойдаланиш учун қўлларидан келганини қиладилар, деб ишониш учун етарли асослар бор".

“Биз руслар Украинадаги жанг майдонидаги тактик ва стратегик муваффақиятсизликлардан чалғитиш учун ўзларининг ташвиқот ишларини икки баравар оширганини кўрдик”, деган Прайс Давлат департаменти брифингида.

Прайс “Россия 9 май куни расман уруш эълон қилиши мумкинлиги ҳақида гапириб, агар Москва “Ғалаба куни”дан уруш эълон қилиш учун фойдаланса, бу катта киноя бўларди”, деган. 

“Мен 9 май куни Москвадан янада кўпроғини эшитишимизга тўлиқ ишонаман. Ишончим комилки, сиз 9 майгача АҚШдан, ҳамкорларимиздан, жумладан, НАТО бўйича ҳамкорларимиздан бунданда кўпроғини эшитасиз”, дея қўшимча қилган Прайс.

Эслатиб ўтамиз, АҚШнинг ЕХҲТдаги элчиси Майкл Карпентер Қўшма Штатларда Россия “май ойининг ўрталарида” Луганск ва Донецкни аннекция қилишга уриниши ҳақида жуда ишончли маълумотлар борлигини айтган. Шунингдек, Россия Херсонда “халқ республикаси”ни эълон қилишни ва уни (ўзига – таҳр.) қўшиб олишни режалаштираётган бўлиши мумкинлигига ишоралар бор.