Пойтахтнинг айрим ҳудудларида газ ҳам ўчирилади
Жамият
−
04 Август 2023 4240
Бугун, 4 август куни пойтахт Тошкентнинг уч туманида газ таъминоти вақтинча тўхтатилади. Бу ҳақда Тошкент шаҳар ҳокимлиги матбуот хизмати хабар берди.
Келтирилишича, бугун куз-қиш мавсумига тайёргарлик доирасида пойтахтимизнинг Бектемир, Мирзо Улуғбек ва Сергели туманлари газ таъминоти тизимида таъмирлаш ва созлаш ишлари олиб борилади. Шу сабаб баъзи маҳалла ва кўчаларда вақтинча газ таъминоти тўхтатилади.
- Бектемир тумани “Нурафшон” МФЙда соат 10:00 дан 18:00 гача;
- Мирзо Улуғбек туманида соат 10:00 дан 18:00 гача: Табассум, Матонат, Сой бўйи, Бунёдкор 1, 2, 3, 4-тор ҳамда Ватан 1, 2, 3, 4, 5, 6, 7-тор кўчаларида.
- Сергели туманида соат 10:00 дан 18:00 гача: Учувчилар мавзесида қисман, “Қумариқ” маҳалласида қисман, “Олтин водий” МФЙда қисман.
