Пойтахт аҳолиси чанг-тўзондан огоҳлантирилди
Бу қизиқ
−
29 июн 1061 1 дақиқа
Бугун, 29 июнь куни Тошкент шаҳрида кучли шамол кузатилаётгани сабабли чанг-тўзон кўтарилиши мумкин. Бу ҳақда пойтахт ҳокимлиги аҳолига огоҳлантириш билан чиқди.
Шу муносабат билан пойтахт аҳолиси ва меҳмонларидан эҳтиёт чораларига амал қилиш сўралади.
Жумладан:
- автомобилларни дарахтлар ва электр узатиш линиялари остида қолдирмаслик;
- аллергия ёки чангга сезувчанлиги бўлган фуқароларга зарурат бўлмаса, кўчага чиқмаслик;
- шаҳар бўйлаб ҳаракатланишда эҳтиёткор бўлиш;
- ўзини, яқинларини ва шахсий мулкини асраш тавсия этилади.
Қайд этилишича, об-ҳаво шароитининг ёмонлашуви сабабли симларнинг узилиши, дарахтларнинг қулаши ва ҳавода чанг миқдорининг кўпайиши мумкин.
Эслатиб ўтамиз, аввалроқ Тошкент шаҳри ҳудудига нам ҳаво массалари кириб келиши олдидан қисқа муддатли чанг-тўзон ҳодисалари кузатилиши ҳақида хабар берилган эди.
Live
Барчаси
