Перуда 500 дан ортиқ чақалоққа Ҳоланд исми қўйилди

2026 йилги Жаҳон чемпионати давомида Перуда туғилган 500 дан ортиқ чақалоққа Норвегия миллий терма жамоаси ҳужумчиси Эрлинг Ҳоланд шарафига исм қўйилди. Бу ҳақда AFP агентлиги хабар берди.

Маълум қилинишича, 468 нафар чақалоққа Ҳоланд, яна 91 нафарига эса Эрлинг Ҳоланд исми берилган. Бу исмлар билан рўйхатдан ўтказилган чақалоқларнинг аксарияти Жаҳон чемпионати бошланганидан кейин туғилган. Айниқса, Норвегия терма жамоаси чорак финалга чиққанидан сўнг бундай ҳолатлар сони кескин ошган.

Маълумот учун, 25 ёшли Ҳоланд Англиянинг “Манчестер Сити” клуби сафида тўп суради. 2026 йилги Жаҳон чемпионати унинг фаолиятидаги илк мундиаль ҳисобланади. У мусобақада ўтказган 4 та учрашувда 7 та гол уриб, жорий Жаҳон чемпионатининг энг яхши тўпурарлар рўйхатида учинчи ўринга кўтарилди.

Эслатиб ўтамиз, кеча, 12 июль куни Жаҳон чемпионатининг чорак финалида Норвегия терма жамоаси Англияга 2:1 ҳисобида мағлубиятга учраб, мусобақадаги юришини якунлади.