Англия қўшимча вақтда Норвегияни мағлуб этиб, ярим финалга чиқди

Спорт

−

12 Июль visibility6968 timer1 дақиқа

Бугун, 2026 йилги Жаҳон чемпионатининг чорак финал баҳсида Англия миллий терма жамоаси қўшимча вақтда Норвегияни 2:1 ҳисобида мағлуб этиб, ярим финалга йўл олди.

Майами шаҳрида бўлиб ўтган учрашувда ҳисобни 36-дақиқада норвегиялик Андреас Шельдеруп очди. Бироқ биринчи бўлимга қўшиб берилган вақтнинг иккинчи дақиқасида Жуд Беллингем ҳисобни тенглаштирди.

Учрашувнинг асосий вақти 1:1 ҳисобидаги дуранг билан якунланди. Ғолиб жамоа қўшимча вақтда аниқланадиган бўлди. Беллингем 93-дақиқада ўзининг иккинчи голини киритиб, Англияга 2:1 ҳисобида ғалаба келтирди.

Энди Англия ярим финалда Аргентина – Швейцария учрашуви ғолиби билан куч синашади. Мазкур баҳс бугун, 12 июль куни Тошкент вақти билан 06:00 да бўлиб ўтади.

Маълумот учун, ушбу терма жамоалар иштирокидаги ярим финал учрашуви жорий йилнинг 15 июль куни ўтказилади.

Мақола муаллифи