Осиё ўйинлари. Барнохон Сайфуллаева олтин медални қўлга киритди (видео)
Спорт
−
17:59 1718 1 дақиқа
Япониянинг Аичи-Нагоя шаҳрида давом этаётган Осиё ўйинларида ўзбекистонлик енгил атлетикачи Барнохон Сайфуллаева чемпионликни қўлга киритди.
Аёллар ўртасида баландликка сакраш баҳсларида Барнохон Сайфуллаева 1,90 метр натижа билан энг яхши натижани қайд этди ва олтин медалга эга чиқди.
Маълумот учун, ҳозирда Осиё ўйинларида Ўзбекистон делегацияси ғазнасида 14 та олтин, 17 та кумуш ва 13 бронза медаль бор. Ушбу натижа рейтингда 4-ҳисобланади. Ўзбекистондан юқорида Жанубий Корея, Япония ва Хитой ўрин олган.
Эслатиб ўтамиз, аввалроқ Ўзбекистон спортчилар делегацияси вакили – оғир атлетикачи Акбар Жўраев Аичи-Нагоя-2026 Осиё ўйинларида даст кўтариш машқида жаҳон рекордини ўрнатиб, мусобақанинг олтин медалини қўлга киритгани ҳақида хабар берилган эди.
Live
Барчаси
