“Олтин тўп-2025” ҳақида қизиқарли маълумотлар (фоторепортаж)

Кеча, 22 сентябрь куни “Олтин тўп-2025” тақдирлаш маросими бўлиб ўтди. Ушбу маросим футбол учун кўплаб кутилмаган воқеалар ва рекордларга бой бўлди. Энг катта ҳайрат уйғотган воқеа эса шубҳасиз Усмон Дембеленинг ғалабаси. Чунки, илгари бирор марта ҳам “Олтин тўп”  номзодлари рўйхатига киритилмаган бўлса-да, биринчи номзодлар рўйхатига кирган йилиёқ  совринни қўлга киритди ва бу футбол тарихида жуда кам учрайдиган ҳодиса сифатида қайд этилди.

Дембеле Жаҳон чемпионати, Европа Чемпионлар лигаси ва “Олтин тўп”ни қўлга киритган тарихдаги 10-футболчи бўлди. Франциялик футболчидан аввал ушбу натижага Бобби Чарльтон, Герд Мюллер, Франц Беккенбауэр, Паоло Росси, Зинедин Зидан, Ривалдо, Роналдиньо, Кака ва Лионель Месси каби футболчилар эришган. Дембеленинг бу ютуғи орқали “Олтин тўп” совринини қўлга киритган франциялик футболчилар сони 6 тага етди. Бунгача францияликлардан Раймон Копа, Мишель Платини (3 мартта), Жан-Пьер Папен, Зинедин Зидан ва Карим Бензема “Олтин тўп”га эга чиққан еди. Умумий совринлар сони эса 8 тани ташкил қилмоқда.

Ёш истеъдод – Испания терма жамоаси ва “Берселана” футболчиси Ламин Ямаль ҳам ўз номини тарихга ёзиб қўйди.  Ямал 17 ёшида “Kopa Trophy” совринини кетма-кет икки йил қаторасига ютган илк футболчига айланди. Бундан ташқари Ямал “Олтин тўп”нинг топ ўнлигига кирган тарихдаги энг ёш футболчи бўлди.

Аёллар футболида эса Айтана Бонмати ҳам кетма-кет уч йил “Олтин тўп”ни ютган кам сонли футболчилар қаторидан жой олди.

Клублар миқёсида 2025 йил “Пари Сен-Жермен” учун унутилмас йил бўлди. Жамоа “Йилнинг энг яхши жамоаси” совринини олди ва футболчилари бир нечта индивидуал мукофотларни ҳам қўлга киритди. Бу клуб тарихига бир мавсумда энг кўп соврин жамғарилган мавсум сифатида кирди.

Маросимда алоҳида эътибор қозонган воқеалардан бири “Socrates Award” соврини эди. Бу соврин одатдагидан фарқли равишда футболчига эмас, балки мураббий Луис Энрикега топширилди. У болалар онкологияси билан боғлиқ хайрия лойиҳалари туфайли тақдирланди.

Аёллар футболида эса кутилмаган натижа қайд этилди. Одатда “Барселона” ёки “Лион” қўлга киритадиган “Йилнинг энг яхши жамоаси” соврини бу йил Англиянинг “Арсенал” жамоасига насиб этди.