Олтин нархи рекорд даражага етди

Бугун, 5 сентябрь куни Чикаго товар биржасида (CME) олтин фьючерслари нархлари 1.27 фоизга ошиб, бир унция учун 3652.6 долларга етди ва рекорд ўрнатди. Бу ҳақда CME маълумотларида келтирилган.

Қайд этиш жоиз, ўтган ҳафта ичида 5-граммлик олтин қабул қилинадиган нақшли қатлам (голд бар) нархи 5 фоизга кўтарилди. Йил бошидан бери эса нарх 29 фоизга ошган. 

Бугун, 5 сентябрь куни Марказий банк тарифларига кўра, бир нечта оғирликдаги олтин нархлари:

5 грамм – 7 млн 266 минг сўм
10 грамм – 14 млн 532 минг сўм
20 грамм – 29 млн 064 минг сўм
50 грамм – 72 млн 661 минг сўм
100 грамм – 145 млн 322 минг сўм этиб белгиланган. 

Август ойида 5 грамм олтин нарх 7 млн 030 минг сўм бўлиб, сентябрда 7 млн 270 минг сўмга етди – бу 3,4 фоизга кўтарилишни англатади. 

Эслатиб ўтамиз, жорий йилнинг июнь ойида Ўзбекистон Марказий банки 9 тонна олтин сотиб олиб, дунёдаги энг йирик олтин харидори бўлганди. Йил бошидан бери энг кўп олтин харид қилган давлат эса Польша бўлиб, у 6 ойда 67 тонна олтин сотиб олган. Иккинчи ўринда 35 тонна билан Озарбайжон Давлат нефть жамғармаси, учинчи ўринда эса Қозоғистон (22 тонна) қайд этилган.