Олимпиаданинг тўққизинчи кунидан сўнг медаллар жамғариш рейтинги қандай?

Кеча, 15 февраль куни Италияда бўлиб ўтаётган қишки Олимпия ўйинларининг тўққизинчи расмий мусобақа куни якунланди. Кун доирасида спортчилар саккиз хил спорт тури бўйича( биатлон, тоғ чанғиси, конькида учиш, кросс-кантри чанғиси, чанғидан сакраш, скелетон, сноуборд ва эркин услубдаги чанғи спорти) тўққизта медаллар учун курашди. 

Кун якунларига кўра, Норвегия жамоаси жами 26 та медаль (12 та олтин, 7 та кумуш ва 7 та бронза) билан медаллар жамғариш бўйича етакчиликни сақлаб қолди. Италия жамоаси ҳам 22 та медаль (8 та олтин, 4 та кумуш ва 10 та бронза) билан иккинчи ўринни эгаллади. АҚШ жамоаси эса 17 та медаль (5 та олтин, 8 та кумуш ва 4 та бронза) билан кучли учликка якун ясади.

Медаллар жамғариш бўйича ТОП-10 талик қуйидагича:

• Норвегия – 12 олтин, 7 кумуш, 7 бронза;
• Италия   – 8 олтин, 4 кумуш, 10 бронза;
• АҚШ – 5 олтин, 8 кумуш, 4 бронза;
• Нидерландия – 5 олтин, 5 кумуш, 1 бронза;
• Швеция    – 5 олтин, 5 кумуш, 1 бронза;
• Франция   – 4 олтин, 7 кумуш, 4 бронза;
• Германия  – 4 олтин, 6 кумуш, 5 бронза;
• Австрия  – 4 олтин, 6 кумуш, 3 бронза;
• Швейцария  – 4 олтин, 2 кумуш, 3 бронза;
•  Япония – 3 олтин, 5 кумуш 9 бронза.

Эслатиб ўтамиз, кеча, 15 февралга ўтар кечаси ўзбекистонлик шорт-трекчи Даниил Ейбог қишки Олимпия ўйинларида қатнашиб, “Б” финалда иштирок этди ва мусобақани 14-ўринда якунлади.