Olimpiadaning to‘qqizinchi kunidan so‘ng medallar jamg‘arish reytingi qanday?

Kecha, 15 fevral kuni Italiyada bo‘lib o‘tayotgan qishki Olimpiya o‘yinlarining to‘qqizinchi rasmiy musobaqa kuni yakunlandi. Kun doirasida sportchilar sakkiz xil sport turi bo‘yicha( biatlon, tog‘ chang‘isi, konkida uchish, kross-kantri chang‘isi, chang‘idan sakrash, skeleton, snoubord va erkin uslubdagi chang‘i sporti) to‘qqizta medallar uchun kurashdi. 

Kun yakunlariga ko‘ra, Norvegiya jamoasi jami 26 ta medal (12 ta oltin, 7 ta kumush va 7 ta bronza) bilan medallar jamg‘arish bo‘yicha yetakchilikni saqlab qoldi. Italiya jamoasi ham 22 ta medal (8 ta oltin, 4 ta kumush va 10 ta bronza) bilan ikkinchi o‘rinni egalladi. AQSH jamoasi esa 17 ta medal (5 ta oltin, 8 ta kumush va 4 ta bronza) bilan kuchli uchlikka yakun yasadi.

Medallar jamg‘arish bo‘yicha TOP-10 talik quyidagicha:

• Norvegiya – 12 oltin, 7 kumush, 7 bronza;
• Italiya   – 8 oltin, 4 kumush, 10 bronza;
• AQSH – 5 oltin, 8 kumush, 4 bronza;
• Niderlandiya – 5 oltin, 5 kumush, 1 bronza;
• Shvetsiya    – 5 oltin, 5 kumush, 1 bronza;
• Fransiya   – 4 oltin, 7 kumush, 4 bronza;
• Germaniya  – 4 oltin, 6 kumush, 5 bronza;
• Avstriya  – 4 oltin, 6 kumush, 3 bronza;
• Shveysariya  – 4 oltin, 2 kumush, 3 bronza;
•  Yaponiya – 3 oltin, 5 kumush 9 bronza.

Eslatib o‘tamiz, kecha, 15 fevralga o‘tar kechasi o‘zbekistonlik short-trekchi Daniil Yeybog qishki Olimpiya o‘yinlarida qatnashib, “B” finalda ishtirok etdi va musobaqani 14-o‘rinda yakunladi.