Олимпиаданинг сўнгги кунида медаллар рейтинги қандай?

Кеча, 22 февраль куни Италияда ўтаётган қишки Олимпия ўйинлари сўнгги мусобақа куни якунланди. Кун давомида спортчилар учта медаль жамланмаси учун баҳслар бўлиб ўтди. Ғолиблар эркаклар ўртасидаги хоккей, аёллар ўртасидаги кёрлинг ҳамда 4 кишилик бобслей йўналишларида аниқланди.  

Мусобақа якунларига кўра, Норвегия терма жамоаси умумий 41 та медаль (18 та олтин, 12 та кумуш ва 11 та бронза) билан пешқадамликни сақлаб қолди.

АҚШ делегацияси 33 та медаль (12 та олтин, 12 та кумуш ва 9 та бронза) билан иккинчи ўринни эгаллаб турибди.

Нидерландия делегацияси эса жами 20 та медаль жамғарган ҳолда (10 та олтин, 7 та кумуш ва 3 та бронза) кучли учликдан жой олган.

Медаллар жамғариш бўйича ТОП-10 талик қуйидагича:

• Норвегия – 18 олтин, 12 кумуш, 11 бронза;
• АҚШ – 12 олтин, 12 кумуш, 9 бронза;
• Нидерландия – 10 олтин, 7 кумуш, 3 бронза;
• Италия  – 10 олтин, 6 кумуш, 14 бронза;
• Германия – 8 олтин, 10 кумуш, 8 бронза;
• Франция – 8 олтин, 9 кумуш, 6 бронза;
• Швеция  – 8 олтин, 6 кумуш, 4 бронза;
• Швейцария – 6 олтин, 9 кумуш, 8 бронза;
• Австрия – 5 олтин, 8 кумуш, 5 бронза;
• Япония – 5 олтин, 7 кумуш 12 бронза.