Оғир атлетикачи Диёрбек Рўзметов Осиё чемпиони бўлди
Спорт
−
20 Июль 2022 5838
Тошкентда ўтаётган оғир атлетика бўйича ўсмирлар ва ёшлар ўртасидаги Осиё чемпионатида ўзбекистонлик Диёрбек Эрматов иккита медални қўлга киритди. Бу ҳақда Миллий олимпия қўмитаси маълум қилди.
-73 кг вазн тоифасида ўсмирлар ўртасида иштирок этган наманганлик Диёрбек Эрматов даст кўтариш машқида 137 кг билан олтин медалга сазовор бўлди. Афсуски, силтаб кўтаришда у қайд этган 150 кг ушбу машқдаги медалларга етарли бўлмади. Бироқ Эрматов икки кураш бўйича 287 кг билан учинчи поғонадан жой олди.
Маълумот учун, бугун кун давомида Жамила Панфилова (-55 кг), Ҳусинбой Матрасулов, Аҳлиддин Ҳасанов ҳамда Бобур Умидов (барчаси -67 кг) каби вакилларимиз ўз ёш тоифаларида медаллар учун кураш олиб боришади.
Live
Барчаси