ОФК ўзбекистонлик дарвозабонни эътироф этди

Спорт

−

23 март 2023 visibility6568 timer1 дақиқа

Футбол бўйича Ўзбекистон U-20 терма жамоаси посбони Отабек Боймуродов Осиё футбол конфедерацияси томонидан “Келажак юлдузи” деган номга лойиқ кўрилди. Бу ҳақда ОФК ўз расмий сайтида хабар берди.

Мухлислар томонидан ўтказилган сўровномада Боймуродов 35,3% натижа билан 1-ўринни эгаллади. Кейинги ўринларни ироқлик Али Жасим Алоиби япониялик Наоки Кумата ва Жанубий Корея вакили Ким Ён Ҳак банд этди. Жасим ва Кумата 29,5% овоз тўплаган бўлса, Ҳакга 5,8% мухлис овоз берди.

19 ёшли Отабек Боймуродов U-20 Осиё чемпионати давомида олти ўйиндан бештасида ўз дарвозаси дахлсизилигини сақлаб қолди. Шунингдек, у Жанубий Кореяга қарши пеналтилар сериясида рақибнинг 3 та тўпини бартараф этишга муваффақ бўлди. Мусобақадаги ишончли ўйинлари билан Отабек турнирнинг энг яхши дарвозабони унвони билан ҳам тақдирланди.

Мақола муаллифи