Нетаньяху Ғазога зарба беришни буюрди

Кеча, 28 октябрь куни Исроил Бош вазири Биньямин Нетаньяху буйруғи билан Ғазо секторига зарбалар берилди. Бу ҳақда BBC хабар берди.

Маълумотларга кўра, ушбу буйруқ жорий йилнинг 27 октябрь куни ҲАМАС ҳаракати Исрoилга асирликда ҳалок бўлган аскарнинг жасадини топширганидан кейин эълон қилинган. Қайд этилишича, қайтарилган жасад гаровга олинган шахсга тегишли эмас, унда Исроил томонидан топилган Офир Тзарфатининг жасади бўлган. Шундан сўнг,  Биньямин Нетаньяху Ғазо секторига дарҳол кучли зарбалар беришни буюрган. 

Шунингдек, ҲАМАС Исроил ўт очишни тўхтатиш режасини бузгани учун гаровга олинган 13 исроиллик аскар жасадини қайтаришни кейинга қолдиришини айтган.

“Исроил ҲАМАС томонидан Ғазо секторида ўт очишни тўхтатиш бўйича келишувни бузганига нисбатан жим турмайди. ҲАМАС  гаровдагиларнинг жасадини қайтаришга ваъда берди, бироқ улар ўз мажбуриятларини бузишмоқда. Биз буни кеча тунда кўрдик. Террор, ёлғон ва хиёнатга асосланган бу ташкилотнинг моҳиятини яхши биламиз”, дейди Исроил Бош штаб Бошлиғи  Эяль Замир.

Эслатиб ўтамиз, аввалроқ Исроил армияси (ЦАХАЛ) ҲАМАС гуруҳининг ўт очишни тўхтатиш режимини “қўпол равишда бузганини” даъво қилиб, Ғазо секторига зарбалар берган эди.

Бунёд Келдибоев