Нетаньяху ҳокимиятни сақлаб қолиш учун Эрон билан уруш бошламоқчи – ОАВ

Исроилда ҳукуматни шакллантириш мандатини олган “Яшар” партияси етакчиси Гади Айзенкот бошчилигидаги “Ўзгаришлар блоки”нинг коалиция музокаралари давом этаётган бир пайтда, Бош вазир Биньямин Нетаньяху Эрон билан урушни қайта бошлашни ҳокимиятни сақлаб қолиш усулларидан бири сифатида кўриб чиқмоқда. Бу ҳақда “Haaretz” хабар берди.

Газетаси шарҳловчиси Амос Харел ўз мақоласида хавфсизлик масалаларида масъулиятли ёндашув зарурлиги борасида Айзенкот ва Нетаньяху ўртасидаги ёзишмаларга тўхталган. Харелнинг баҳолашича, Нетаньяху ҳокимиятда қолиш учун ҳар қандай воситадан фойдаланишга тайёр.

Икки сиёсатчи ўртасидаги келишмовчиликларни таҳлил қилар экан, эксперт Нетаньяху ўз позицияларини сақлаб қолишга жон-жаҳди билан уринаётгани ва юзага келган вазиятдан эҳтимолий чиқиш йўли сифатида Эрон билан урушни қайта бошлашни кўриб чиқаётганини қайд этган.

Шарҳловчининг сўзларига кўра, Айзенкотнинг мактуби Исроил Қуролли кучлари Бош штаби бошлиғи Эяль Замирни оммавий равишда қўллаб-қувватлашга ҳам қаратилган.

Харель сайловлар олдидан сўнгги ҳафталарда Замир ва бир қатор генераллар Нетаньяхунинг АҚШ Президенти Дональд Трампни Эронга биргаликда ҳужум қилишга кўндириш ёки Теҳронни ҳарбий ҳаракатларни қайта бошлашга провокация қилиш уринишларига қарши чиққанини маълум қилган.

Журналист Айзенкотнинг мактуби Замирни оммавий қўллаб-қувватлаш мақсадини ҳам кўзлаганига ишора қилган. 

“Нетаньяхунинг сайловларга бир неча кун қолганда Эронга зарба беришга эришиш уринишлари ҳам содир бўлаётган воқеаларга таъсир кўрсатишда давом этмоқда. Нетаньяхунинг “Ликуд” партияси қўмита йиғилишини камида душанба кунигача кечиктиришга ҳаракат қилмоқда”, дейилади мақолада.

“Ўзгаришлар блоки” Нетаньяхуга халақит бериши керак

Харель сайловлар олдидан Замир ва айрим генераллар Нетаньяхунинг Эрон билан урушни қайта бошлаш уринишларига қарши чиққанини таъкидлаган. Унинг сўзларига кўра, Замир америкалик ҳамкасбини ҳарбий ҳаракатлар сайловларнинг кечиктирилишига олиб келиши мумкинлиги ҳақида ҳам огоҳлантирган.

Шарҳловчи республикачилар АҚШ Конгрессидаги кўпчилик ўринни йўқотганидан сўнг, Дональд Трамп урушни қайта бошлаш масаласида эҳтиёткорлик намоён эта бошлаганини кўрсатиб ўтган. Шу билан бирга, Вашингтон Теҳронга иқтисодий ва ҳарбий босимни кучайтирган ҳолда, Қатар воситачилигида Эрон билан музокараларни давом эттирмоқда.

Харелнинг баҳолашича, сўнгги воқеалар Нетаньяху тўғридан тўғри ҳаракатлар орқали ёки Эронни янги низога тортиш мақсадида кескинликни атайлаб авж олдириш йўли билан яна ҳарбий қарама-қаршиликни келтириб чиқаришга уринаётгандек таассурот уйғотмоқда.

У, шунингдек, янги ҳарбий қарама-қаршилик Исроилдаги сиёсий жараённинг боришини издан чиқариши мумкинлиги ҳақидаги хавотирларга эътибор қаратган.

Нетаньяху, дея таъкидлайди шарҳловчи, ҳокимиятни сақлаб қолиш йўлида ҳар қандай қадамга боришга тайёр. 

“Ўзгаришлар блоки ҳукуматни шакллантириш мақсадида коалиция музокараларини давом эттирар экан, у Бош вазирнинг ўз ҳокимиятини сақлаб қолиш учун мамлакатни янги хавфли ҳарбий авантюраларга тортишига ҳам тўсқинлик қилиши керак”, дейди Харель.

Исроилдаги сиёсий ноаниқлик ва Эрон билан уруш қайта бошланиши таҳдиди

8 ноябрь куни Исроил Президенти Ицхак Герцог парламентнинг 67 нафар депутати қўлловини олган Гади Айзенкотга ҳукуматни шакллантиришни топширди.

Бироқ коалиция музокаралари қийинчиликларга дуч келмоқда, чунки ҳукуматни тузиш учун “Ўзгаришлар блоки”га Исроилнинг фаластинлик фуқаролари манфаатларини ифодаловчи партияларнинг қўллови зарур. Блокнинг ўз ичидаги сиёсий келишмовчиликлар эса қўшимча тўсиқ бўлди.

Агар Айзенкот ҳукуматни шакллантира олмаса, Герцог ушбу вазифани Нетаньяхуга топшириши мумкин. Ҳар икки уриниш муваффақиятсизликка учраган тақдирда, муддатидан олдин сайловлар ўтказилиши истисно этилмайди.

Исроилда коалицион ҳукуматни шакллантириш атрофида ноаниқлик сақланиб қолаётган бир шароитда Эрон билан урушнинг эҳтимолий қайта бошланиши масаласи диққат марказида қолмоқда.

Ҳукуматни шакллантириш мандатини олган Айзенкот аввалроқ Бош вазир Нетаньяхуни шошилинч хусусиятга эга бўлмаган ҳарбий зарбалардан тийилиш зарурлиги ҳақида огоҳлантирган эди.

У ўз мактубида ҳукумат раҳбарини янги вазирлар маҳкамаси қасамёд қилгунга қадар кутиб туриши мумкин бўлган хавфли қадамларга нисбатан вазминлик ва эҳтиёткорлик намоён этишга чақирган.

“Тўғридан тўғри, бевосита ва кечиктириб бўлмайдиган таҳдид мавжуд бўлмаган шароитда хавфсизлик кучларини жалб қилиш Исроил демократияси ва фуқароларнинг давлат институтларига бўлган ишончи учун ҳалокатли оқибатларга олиб келиши мумкин”, дейди Айзенкот.

Ушбу огоҳлантиришдан сўнг Айзенкот ва Нетаньяху ўртасида хавфсизлик масалаларида масъулиятли ёндашув зарурлиги борасида баҳс-мунозара авж олган.

Нетаньяху девонхонаси Айзенкотнинг огоҳлантиришларига жавобан ҳукумат қарорлари “хавфсизлик нуқтаи назаридан ва тегишли хавфсизлик тузилмалари билан тўлиқ мувофиқлашган ҳолда” қабул қилинишини маълум қилган.