“Нефтчи” тарихида илк бор Суперкубокни қўлга киритди
Спорт
−
16 Март 3083 1 дақиқа
Бугун, 15 март куни Андижондаги “Бобур Арена” стадионида Фарғонанинг “Нефтчи” ва Тошкентнинг “Пахтакор” жамоалари ўртасида Ўзбекистон Суперкубоги учрашуви бўлиб ўтди. Унда “Нефтчи” 1:0 ҳисобида ғалаба қозониб, Суперкубок соҳибига айланди.
Учрашувдаги ягона голни 17-дақиқада фарғоналиклар ярим ҳимоячиси Ратиньо киритди. Учрашувнинг қолган дақиқаларида томонлар ўз дарвозаси дахлсизлигини сақлаб қолди ва ўйин 1:0 ҳисобида водий жамоаси фойдасига якунланди.
Шу тариқа, Исломбек Исмоилов қўл остидаги “Нефтчи” ўз тарихида илк бор Ўзбекистон Суперкубоги соҳиби бўлди.
Маълумот учун, 2025 йилги Суперкубок баҳсида Қаршининг “Насаф” жамоаси зафар қучган эди.
Эслатиб ўтамиз, “Нефтчи” Суперлиганинг 2025 йилги мавсумида энг кўп очко тўплаб, 24 йиллик танаффусдан сўнг мамлакат чемпионига айланган эди.
