НАТО қурол ишлаб чиқаришнинг янги мақсадлари бўйича келишувга эришди
Олам
−
21 Март 2023 3890
НАТО Украина учун асосий турдаги қуролларни ишлаб чиқариш ва альянсга аъзо мамлакатларни қуроллантириш бўйича янги мақсадларни келишиб олди. Бу ҳақда бугун, 21 март куни НАТО Бош котиби Йенс Столтенберг 2022 йил учун йиллик ҳисобот давомида айтиб ўтди.
“Биз ҳозир Украинани қўллаб-қувватлаш, шунингдек, ўзимизнинг мудофаа тизимимиз учун асосий қуролларни ишлаб чиқариш бўйича янги мақсадлар бўйича келишиш жараёнидамиз”, деган Столтенберг.
Шунингдек, у НАТОга аъзо 30 давлатдан фақат еттитасигина мудофаа харажатларини ЯИМнинг 2 фоизигача ошириш мақсадига эришганини айтган.
“Айни дамда НАТОнинг етти мамлакатининг мудофаа харажатлари ялпи ички маҳсулотнинг 2 фоизига етди, биз бундан ҳам кўпроқ бўлишини кутган эдик”, дейди Столтенберг.
Бош котиб барча мамлакатлар ҳарбий харажатларни ошираётганини таъкидлаб, лекин бу етарлича тез амалга ошмаётганини маълум қилган. Унинг айтишича, НАТОга аъзо давлатлар жорий йилнинг июль ойида Вилнюсда бўлиб ўтадиган саммитда мудофаа харажатларини ялпи ички маҳсулотнинг 2 фоизидан ошириш бўйича янги мажбуриятларни олишлари керак.
Live
Барчаси
