МЮда Роналду рақамининг янги эгаси топилди

Спорт

−

06 Июль 2023 visibility4093 timer1 дақиқа

Кеча, 5 июль куни Англиянинг “Манчестер Юнайтед” клуби билан шартнома имзолаган Мейсон Маунт жамоанинг собиқ футболчиси Криштиану Роналдудан қолган рақамни эгаллади. Бу ҳақда клуб Матбуот хизмати хабар берди.

Манбага кўра, “Челси” сафидан “қизил иблислар”га келиб қўшилган ярим ҳимоячи эндиликда Роналдудан кейинги эгасиз қолган еттинчи рақам остида майдонга тушади.

Маълумот учун, МЮда мазкур рақам ҳамма вақт ҳам алоҳида аҳамиятга эга бўлиб келган. Жорд Бест, Брайан Робсон, Эрик Кантона, Дэвид Бекхэм ва Криштиану Роналду каби юлдуз футболчилар ушбу рақам остида тўп сурган.

Эслатиб кўтамиз, аввалроқ Мейсон Маунтнинг “Манчестер Юнайтед” жамоаси билан 2028 йилнинг 30 июнига қадар амал қиладиган 5 йиллик шартнома имзолаган эди. Англия клуби футболчининг трансфери учун умумий 60 миллион фунт сарфлади.

Мақола муаллифи