Муроджон Аҳмадалиев енгилмас боксчини мағлуб этди (видео)
Спорт
−
17 Декабрь 2023
22673Бугун, 16-декабр куни ўзбекистонлик профессионал боксчи Муроджон Аҳмадалиев АҚШнинг Аризона штатида мексикалик Кевин Гонсалесга қарши элиминатор жангида қатнашиб, муддатидан аввал ғалабага эришди.
Аҳмадалиев 12 раундлик баҳснинг 8-раундида рақибини техник нокаутга учратди. Нокаутгача бўлган даврда ҳам ўзбекистонлик боксчи рақибини бир неча марта нокдаун ҳолатига тушириб қўйди.
Шундай қилиб, Аҳмадалиев яна камарлар учун даъвогарга айланиб олди. У охирги марта филиппинлик Марлон Тапалесга имкониятни бой бериб, ўзига тегишли бўлган WBA ва IBF камарларини бой бериб қўйганди.
Энди Аҳмадалиев Тапалес-Иноуэ жанги ғолиби билан мутлақ чемпионлик учун рингга чиқиши мумкин.