Мудҳиш ЙТҲда 3 ўзбекистонлик ҳалок бўлди
Олам
−
17 Январь 2020 6768
Россиянинг Саратов вилоятида 4 киши йўл-транспорт ҳодисаси қурбони бўлди. Қурбонларнинг 3 нафари Ўзбекистон фуқароси эди.
ЙТҲ кеча, 16 январь куни Татишев туманидаги Р-158 трассасида юз берган. Ичида 8 киши бўлган Hyundai минивэни ва “Волга” автомобиллари тўқнашган. Натижада микроавтобусдаги 3 киши ва “Волга” ҳайдовчиси ҳалок бўлган. Қолган беш киши турли даражада жароҳатланган.
Hyundai`да кетаётганларнинг барчаси Ўзбекистон фуқаролари бўлган. Йўл ҳаракати хавфсизлиги инспекциясининг ҳудудий бўлими ҳодиса тафсилотларини ўрганишга киришган.
Ўзбекистоннинг Қозон шаҳридаги Бош консулхонаси ҳалок бўлган ва жабрланган ўзбекистонликларга ёрдам кўрсатилишини маълум қилган.
“Бизнинг фуқароларга ёрдам кўрсатилади, ҳозир ҳамма маълумот аниқланяпти. Биз қурбон ва жабрланганларнинг оилалари билан боғланяпмиз”, деган консуллик вакили.
Live
Барчаси
