“Моссад” Туркияга ҳамкорлик таклиф қилди
Олам
−
09 Декабрь 2023
14303Исроил Ташқи разведка хизмати (Моссад) Фаластиннинг ҲАМАС ҳаракати томонидан гаровга олинган Исроил фуқароларини қутқариш учун Туркия Миллий разведка ташкилотига мурожаат қилди. Бу ҳақда Туркиянинг "Hürriyet" газетаси ўз манбаларига таянган ҳолда маълум қилди.
"7 октябрь куни ҲАМАС фаолиятига оид разведка маълумотларини ололмаган Моссад гаровга олинганларни қутқариш учун Туркия Миллий разведка ташкилотига мурожаат қилди. Гаровдагиларни қутқариш учун Қатар, Миср ва АҚШ билан қизғин музокаралар олиб бораётган Туркия гаровга олинганларнинг бир қисмини озод қилишни таъминлади. Моссад бунинг учун Миллий разведка ташкилотига миннатдорлик билдирди”, дейилади мақолада.
Нашрнинг эслатишича, 2022 йилда Миллий разведка ташкилоти ва Истанбул полицияси Эрон разведкаси томонидан исроиллик сайёҳлик гуруҳига қарши суиқасднинг олдини олиш бўйича ҳамкорликда операция ўтказган ва Эрон агентлари қурол-яроғ билан қўлга олинган, Исроил туристик гуруҳи ташкилотнинг зирҳли машиналари билан самолётга ўтказилиб ва мамлакатга жўнатилганди.
Аввалроқ АҚШнинг “Wall Street Journal” нашри Исроил расмийларига таяниб, Исроил разведка хизматлари Ғазодаги уруш тугаганидан кейин бутун дунё бўйлаб Фаластиннинг ҲАМАС ҳаракати етакчиларини йўқ қилишга ҳозирлик кўраётгани ҳақида ёзган эди.
Хусусан, Ливан, Туркия ва Қатарда яшовчи ҲАМАС етакчиларини қидириш бўйича режалар тайёрланаётгани даъво қилинган.
Шу билан бирга, Туркиянинг "Habertürk" телеканали мамлакат разведка идораларидаги манбаларига таяниб, Туркия разведкаси Исроилни мамлакатда яшовчи ҲАМАС аъзолари таъқиб қилинса, бу жиддий оқибатларга олиб келишидан огоҳлантирганини маълум қилганди.
Эслатиб ўтамиз, аввалроқ Туркия мусулмон дунёсини Исроил билан дипломатик алоқаларни узишга чақираётгани ҳақида хабар берган эдик.
LiveБарчаси