Москвада мигрантларнинг ишини қонунийлаштираётган схема фош этилди

north_east

“Кел, ишла ва кет”. Россияда мигрантлар учун янги тизимга ўтилади  

Россия Миллий гвардияси махсус кучлари Федерал хавфсизлик хизмати ва полиция билан биргаликда Москвадаги ноқонуний миграция каналини тўхтатди. Бу ҳақда гвардия матбуот хизмати хабар берди.

Тергов маълумотларига кўра, улар 3000 дан ортиқ чет эллик фуқаронинг Россияда бўлишини қонунийлаштириш учун сохта ҳужжатлардан фойдаланган. Ноқонуний схема мигрантларни яширин компанияларда сохта ишга жойлаштиришни ўз ичига олган.

Кўздан кечириш чоғида қалбаки меҳнат шартномалари, сохта ташкилотларнинг муҳрлари ва бошқа далилий ашёлар олинган. Ноқонуний фаолиятга алоқадорликда гумонланиб, ишга ёллаш агентлиги ва Москва қурилиш компанияси ходимлари қўлга олинди.

16 октябрь куни мамлакат Ички ишлар вазирлиги матбуот котиби Ирина Волк ҳам худди шундай ҳолат ҳақида хабар берган эди. Унинг сўзларига кўра, ҳуқуқ-тартибот идоралари ходимлари мигрантларни ширкат орқали рўйхатга олишда гумон қилиб, Москва қурилиш компанияси ходимларини ҳибсга олган. Унга кўра, ҳуқуқбузарлар шу тариқа мигрантларнинг қолиш муддатини узайтириб, уларга рўйхатдан ўтиш учун асос яратган.

Шунингдек, ушбу схема гумонланувчиларга солиқ ва суғурта мукофотларини тўлашдан бўйин товлаш имконини берган. Натижада терговчилар ноқонуний миграцияни ташкил қилиш бўйича иш қўзғатди. Бу Россия Жиноят кодексининг 322.1-моддаси (ноқонуний миграцияни ташкил этиш) бўйича ўн йилгача озодликдан маҳрум қилиш жазосини назарда тутади.

Эслатиб ўтамиз, 2026 йил 1 мартдан бошлаб Россияга борган мигрантлар ўткир гепатит ва вирусли гепатит B, C  ва D учун текширувдан ўтказилади.