Москвада икки ўзбекистонлик газдан заҳарланиб ўлди
Олам
−
31 Январь 2840 1 дақиқа
Москва вилоятининг Видное шаҳрида икки ўзбекистонлик газдан заҳарланиб вафот этди. Бу ҳақда “Regions.ru” хабар берди.
Маълум бўлишича, бинода яшовчи фуқаро ўзини ёмон ҳис қилаётганидан шикоят қилиб тез ёрдам чақирган. Етиб келган тез тиббий ёрдам ходимлари 3 кишининг газдан заҳарланиш оқибатида ўлганини ва кекса аёлнинг оғир аҳволда эканлигини аниқлаган. Жабрланувчи касалхонага ётқизилиб, воқеа жойига полиция етиб келган.
Аниқланишича, кекса жуфтлик уйининг биринчи қаватини таъмирлаш учун Ўзбекистондан икки ишчини ёллаган. Ишчилар тунаб қолишган ва исиниш учун газ плитасини ёқишгани тахмин қилинмоқда.
Эслатиб ўтамиз, аввалроқ Россия Федерациясига вақтинча ишлаш мақсадида борган Ўзбекистон фуқароси буйракда кузатилган оғир хасталик туфайли вафот этгани ҳақида хабар берилганди.
Алиқулов Жавоҳир
