Москва биржасида евро курси бир ойдан буён илк марта пастлади 

Бугун, 30 март куни Москва биржасидаги савдолар очилиши чоғида евро курси жорий йилнинг 23 февралидан бери биринчи марта 91 рублдан пастга тушди.  

Москва вақти билан соат 10:00 га келиб, доллар курси 82,54 рубль (-3,17 фоиз) даражасида бўлган. Евро курси 3,59 фоизга пасайиб, 90,73 рублни ташкил қилган. Биржа маълумотларига кўра, Москва вақти билан соат 10:18 да доллар ўзининг пасайишини 84,27 рублгача (-1,14 фоиз), евро 93,8 рублгача (-0,31 фоиз) секинлаштирган. 

Россия акция бозори бугунги асосий сессиянинг бошида етакчи индексларнинг ўсишини кўрсатмоқда. Савдо майдончаси маълумотларига кўра, Москва вақти билан соат 10:08 да Москва биржаси индекси 2,27 фоизга ўсиб, 2463,06 пунктни ташкил этган, РТС индекси 3,89 фоизга ўсган ва 915,88 пунктга етган. 

Москва вақти билан соат 10:00 ҳолатига кўра, Москва биржаси индекси 2437,92 пункт (+1,22 фоиз) даражасида бўлган. РТС доллар индекси 2,19 фоизга — 900,88 пунктгача ўсган. 

Савдо майдончасининг Москва вақти билан 10:18 даги маълумотларига кўра, РТС доллар индекси 5,09 фоизга ошиб, 927,26 пункт атрофида. Москва биржасининг рубль индекси 2482,78 пункт (+3,09 фоиз) даражасида.