Хитойдан Бразилиягача: Moсквадаги парадга кимлар борди? (фоторепортаж)

Бугун, 9 май куни Москва шаҳрида Иккинчи жаҳон урушида қозонилган ғалабанинг 80 йиллиги муносабати билан катта парад бўлиб ўтди. Унда дунёнинг кўплаб нуқталаридан сиёсат вакиллари, давлат раҳбарлари ва ҳукумат вакиллари иштирок этди. Парад бошланишидан аввал меҳмонлар бир кетин Кремлга кириб борди. Улар қизил йўлак бўйлаб ҳаракатланиб, ичкарига киришди. Уларни Россия Президенти Владимир Путин кутиб олди.

Совет Иттифоқининг Иккинчи жаҳон урушида фашистлар Германияси устидан қозонган ғалабаси муносабати билан Москвада ўтказилган тантаналарда 30 га яқин дунё етакчилари иштирок этди. Улар орасида Хитой раҳбари Си Цзиньпин, Бразилия Президенти Луис Инасиу Лула да Силва ва Венесуэла Президенти Николас Мадуро ҳамда Марказий Осиёдаги давлатларининг етакчилари ҳам бор эди.

Бундан ташқари, Беларусь фуқараси Александр Лукашенко, Арманистон Бош вазири Никол Пашинян, шунингдек, Мўғулистон, Куба, Эфиопия, Зимбабве, Фаластин, Буркина-Фасо, Босния ва Герцеговина, Конго Республикаси ва Экваториал Гвинея раҳбарлари ҳам иштирок этди.

Сербия Президенти Александр Вучич ва Словакия Бош вазири Роберт Фицо Европанинг ягона етакчилари эди. Озарбайжон Президенти Илҳом Алиев ва Лаос Президенти Тхонглун Сисулит Ғалаба куни муносабати билан Россияга сафарини сўнгги дақиқада бекор қилди.

Парад бошида эълон қилинганида айтилишича, парадда Мудофаа вазирлиги ва бошқа хавфсизлик хизматлари, жумладан Федерал хавфсизлик хизмати (ФСБ) ва Миллий гвардиянинг 11 мингдан ортиқ аскари қатнашган. Кремлнинг 2022 йилнинг февралида Украинага бостириб кириши учун расмий номи бўлган “махсус ҳарбий операция”да жанг қилган яна 1500 нафар ҳарбий хизматчи ҳам шу ерда саф тортди.

Ғалаба парадида кўплаб давлатлар қаторида ўзбекистонлик ҳарбийлар ҳам иштирок этди.

Айримлар аввалроқ тахмин қилганидек, парадда АҚШнинг юқори мартабали амалдорлари иштирок этмаган. Кремль АҚШнинг Москвадаги элчиси Линн Трейси иштирок этиш учун таклиф қилинганини айтган эди, бироқ у таклифни қабул қилган-қилмагани ҳозирча аниқ эмас.